Klike sou lyen sa pou w kapab telechaje dènye vèsyon PDF kat sou sekirite jounalis yo Pwogram Medya FOKAL la, nan tèt kole ak Internews te prepare. Nou te korije kèk bagay nan premye vèsyon ki te sòti an apre nou te resevwa kèk remak ak konsèy bò kote piblik la k ap suiv nou, konsa nou rive adapte yo plis a kontèks n ap evolye isit la.
Depi plizyè lane, zafè sekirite moun an Ayiti bay gwo kè kase. Menm Jounalis, ki ap travay pou enfòme popilasyon an sou sa ki ap pase pa epanye nan zak vyolans ki ap fèt nan peyi a. Nan lide pou ede jounalis yo pwoteje tèt yo epi konnen sa pou yo fè lè yo gen yon pwoblèm, Pwogram Medya FOKAL, ki jwenn sipò Internews te rive reyalize plizyè fòmasyon pou yo. Nan sans sa, nou te prepare divès kat sekirite pou jounalis yo, yon fason pou pèmèt yo konnen bonjan teknik pwoteksyon yo, pou pwoteje tèt yo lè y ap travay nan yon konjonkti ki difisil. N ap mande zanmi jounalis nou yo pa neglije pataje eleman sila yo ak kòlèg travay nou oubyen kòlèg jounalis nou yo.
Pwogram sa a rive reyalize sou lobedyans FOKAL ak sipò epi kolaborasyon Internews, Sahco Consulting ak Ralph Dupoux. Chapo pou Liselotte Eneros Relling ak Khallil Sayyad Hilario ki pote kole tou nan kad travay sa a.